極品西客一句激嬲客服員 點解要食飯?收工大晒呀!
撰文:B|圖片:西客之道 Hispitality Secret、劇照
「點解要食飯?」 一句激嬲客服員
一位在政府部門負責接聽市民電話的網民,日前投搞到Facebook專頁「西客之道 Hispitality Secret」,講述被「西客」剥奪吃飯權利的經歷。話說事主所屬的部門,每天下午1時至2時是午飯時間,會暫停接聽電話,有一天午飯時間,查詢電話無間斷響過不停,直至2點,夠鐘開工,事主甫接起電話,已遭電話中的女人惡言相向:
事主:呢度係咩咩部門,有咩可以幫到你?
女:(少少惡)xxxx xxxx係咪查詢電話?
我:係吖。
女:咁點解頭先無人聽電話?
我:因為我哋辦工時間幾至幾,中間一點至兩點食飯時間。
女:點解要食飯?
我:(果一下呆咗,好想答佢因為呢度做嘢嘅都係人)因為食飯時間無人手聽電話。
女:我唔理你地啦!你哋邊可以有食飯時間?
(原文節錄自「西客之道 Hispitality Secret」)
「你哋邊可以有食飯時間?」這句話,簡直就是可以入選「一句激怒人系列」,事主就話,明白好多人對香港政府好失望,不過公務員都是人,都是打工仔,都要吃飯的。
電話線路不穩 客服無奈捱罵
政府客服受氣被罵,又怎會是「個別事件」呢?有另一位曾經在政府熱線工作的網民,就投稿講述另一宗被「西客」狂罵的事件。有一天,事主接聽一位市民的電話,傾談間電話突然斷線,幾分鐘後,該市民回撥電話,事主一接聽,就不斷被狂罵「做咩cut佢線」!事主解釋是線路問題,又給「西客」回罵為何部門的電話的網絡如此差劣,事主再解釋他們使用的是座枱電話,一般不如有線路問題,然後,「西客」又拋出令人無言的一句:「你唔一早同我講!」
就在這一刻,事主不想再無止境反駁下去了,亦不想被「西客」投訴態度差,真的很無奈。
「收工大晒呀!」 服務業沒有食飯和放工的權利?
很多網民都分享相似的經歷,原來在香港當客戶服務真的沒有食飯的權利!
不能食飯已經算小兒科,想放工更加不可以!開講有話,阻人收工猶如殺人父母啊!

傳說中的「西客」出現了!完美演繹了「老奉」一詞。
資料來源:新假期